Inoxo Battery Tonic – 0 TDS - 820ml Deionized Battery Water

بیٹری کے اندر سلفیورک ایسڈ ہوتا ہے اور بیٹری کی پلیٹیں لیڈ کی بنی ہوتی ہیں۔ جب بیٹری ڈسچارج ہوتی ہے تو سلفیورک ایسڈ، لیڈ کے ساتھ ردِعمل کر کے لیڈ سلفیٹ بناتا ہے جو پلیٹوں پر عارضی طور پر جم جاتا ہے۔ چارج ہونے پر یہ تہہ واپس لیڈ اور ایسڈ میں بدل جاتی ہے۔ لیکن اگر بیٹری زیادہ دیر ڈسچارجڈ رہے، بیٹری کا پانی لیول سے کم رہے یا بیٹری میں نل والا پانی ڈالا جائے تو یہ تہہ سخت ہو کر کرنٹ نہیں گزرنے دیتی۔ جب یہ تہہ پلیٹوں کے بیشتر حصے پر جم کر چارجنگ بالکل ختم کر دے تب ہم کہتے ہیں کہ بیٹری خراب ہو گئی۔

انوکسو کیمیکل صرف سلفیشن ختم کر سکتا ہے۔ کیمیکل خریدنے سے پہلے یقین کر لیں کہ بیٹری میں سلفیشن ہو چکی ہے۔ اگر بیٹری کی وولٹیج 12.4 سے اور گریویٹی 1.250 سے کم ہے تو یہ سلفیشن کی نشانی ہے۔ اِس کے علاوہ اگر آپ ہمارے نمائندے کو اپنی بیٹری کی صحیح صورتِ حال بتا سکیں تو بھی سلفیشن کی تشخیص ہو سکتی ہے۔

کسی بھی بیٹری میں انوکسو بیٹری کنڈیشنر الٹرا پہلے سے موجود پانی میں ہی ڈالیں۔ اگر پانی پہلے سے فُل ہو تو اِنوکسو کیمیکل کی تجویز کردہ مقدار کے برابر پانی کسی ٹیکے یا ہائیڈرو میٹر (گریویٹی میٹر) کی مدد سے ہر سیل سے نکال لیں۔ اُس کی جگہ انوکسو کیمیکل ڈال دیں۔ نکالا ہوا پانی محفوظ کر لیں۔ بعد میں جب پانی کم ہو تو وہی پانی بیٹری میں ڈال دیں۔ تجویز کردہ مقدار جاننے کے لیے نیچے دیے گئے چارٹ کو بغور پڑھیں۔

پلیٹوں پر لیڈ سلفیٹ کی تہہ بیٹری کو چارج نہیں ہونے دیتی۔ ہم سمجھتے ہیں کہ بیٹری ختم ہو گئی لیکن اُس تہہ کو اتار کر بیٹری کو مزید کئی ماہ چلایا جا سکتا ہے۔ یہ تہہ اتارنے کے لیے ایک ڈی سلفیٹر چاہیے۔ انوکسو بیٹری کنڈیشنر الٹرا ایک ڈی سلفیٹر ہی ہے۔ یہ لیڈ سلفیٹ کے ساتھ کیمکل ری ایکشن کر کے اسکی تہہ کو ریموو کر دیتا ہے۔ بیٹری مکمل چارج ہوتی ہے اور زیادہ بیک اپ دینے لگتی ہے۔

انوکسو کیمیکل زیادہ سے زیادہ 6 سے 8 دن میں 60 سے 70 فیصد بیک اپ ریکور کر دیتا ہے۔

انوکسو کیمیکل ہر طرح کی لیڈ ایسڈ بیٹری میں ڈالا جا سکتا ہے۔ بیٹری ٹیوبلر ہو، سٹارٹر ہو یا جیل والی، انوکسو بیٹری کنڈیشنر بہترین کام کرتا ہے۔

نوٹ: ڈرائی بیٹری میں انوکسو کیمیکل استعمال نہ کریں۔

اگر بیٹری کی پلیٹیں ٹوٹی ہوئی ہیں، کوئی سیل ڈیڈ ہے یا بیٹری 4 سال سے پرانی ہے تو اِنوکسو بیٹری کنڈیشنر رزلٹ نہیں دے گا۔ ایسی صورت میں کیمیکل نہ خریدیں۔

پلیٹیں چیک کرنے کے لیے بیٹری کے سارے ڈھکن احتیاط سے کھولیں۔ اگر تہہ میں سیاہ یا براؤن کچرا نظر آئے تو بیٹری کی پلیٹیں ٹوٹ چکی ہیں۔

سیل چیک کرنے کے لیے بیٹری کے ساتھ وولٹ میٹر لگائیں۔ اگر وولٹیج 10.5 سے کم ہے تو ایک سیل ڈیڈ ہے۔ یہاں کیمیکل کچھ نہیں کر سکتا۔ بیٹری بدل لیں۔

علاج صرف بیمار شخص کا ہو سکتا ہے، مردہ کا نہیں۔